விவேகம் - OSHO
விவேகம்
ஓஷோ
🌸ஒரு சீடன் தன் குருவிடம் வந்தான்...
"நான் ஒரு மிகுந்த சிரமத்தில்
இருக்கிறேன்..." என்றான்.
"என்ன சிரமம்?" என்று குரு கேட்டார்...
🌸சீடன் சொல்லத் தொடங்கினான்:
"இந்த ஊரில் இருக்கும் பெரிய செல்வந்தர் ஒருவர்
யாத்திரை செல்ல இருக்கிறார்...
அவருக்கு அழகிய மகள் இருக்கிறாள்...
அவளை என் பாதுகாப்பில் விட்டுச் செல்ல விரும்புகிறார்...
🌸நான் மிகவும் நேர்மையானவன் என்று...
பிறரால் மதிக்கப்படுபவன்...
"என்னென்ன நல்ல குணங்கள் உண்டோ...
அவைகளை எல்லாம் பழக்கப்படுத்திக் கொண்டிருக்கிறேன்..."
🌸எனக்குப் பயமாக உள்ளது..
என்னுடைய சபலங்களைப் பற்றி எனக்குத் தெரியும்...
அவள் மிகமிக அழகானவள்
ஏற்கனவே அவள் மேல் ஒரு மயக்கம் உண்டு...
அதனால் இதை தவிர்க்க விரும்புகிறேன்...
🌸சுமார் ஒன்பது மாதங்கள்
என்னுடன் அவள் வசித்து வருவது...
என்மீதே எனக்கு நம்பிக்கை இல்லை...
நான் என்ன செய்வது?
🌻குரு சொன்னார்:
"இந்த ரகசியம் தெரிந்த ஒருவனை நான் அறிவேன்...
அவனைச் சென்று பார்!"
🌻குரு சொன்ன அடையாளத்தின்படி...
அவன் ஒரு பைத்தியகாரன்.
சீடன் சொன்னான்:
அவனை எனக்குத் தெரியும்...
அவனை பற்றி நிறையவே கேள்விப்படிருக்கிறேன்...
அவன் எப்படி எனக்கு உதவ முடியும்?
🌻குரு சொன்னார்:
"நீ அவனிடம் செல். அவனை மிகவும் கவனமாக கவனி..."
சீடன் அந்த பைத்தியக்காரனைப் பார்க்கச் சென்றான்...
🌻சீடன் சென்றபோது...
ஒரு சிறுவன் மது ஊற்றிக் கொடுக்க...
அதை அந்தப் பைத்தியக்காரன் பருகிக் கொண்டிருந்தான்...
🌻இதைப் பார்த்த சீடனுக்கு...
அவன் மீது வெறுப்பு உண்டாயிற்று...
இருந்தாலும்...
குரு சொல்லியிருக்கிறார் என்பதால்...
சீடன் அவனிடம் கேட்டான்:
🌻"ஐயா ! தயவு செய்து நீங்கள் சொல்ல வேண்டும்...
நீங்கள் என்ன செய்து கொண்டிருக்கிறீர்கள்?"
🌻இதைக் கேட்ட பைத்தியக்காரன் சிரித்தவாறே கூறினான்...
"இந்த சிறுவன் என் மகன்...
இன்னும் சற்று அருகில் வந்து பார்!
நான் குடித்துக் கொண்டிருப்பது வெறும் தண்ணீர்தான் !
இந்த சிறுவன் ஊற்றித் தருவது மதுவல்ல!"
🌻சீடன் கேட்டான் :
"பிறகு எதற்கு மது அருந்துவது போல் பாசாங்கு செய்கிறீர்கள்?
நீங்கள் வைத்திருக்கும் கோப்பையும்...ஜாடியும்...
தண்ணீர் வைத்துக் கொள்வதற்கும்...
பருகுவதற்கும்...
ஆனது அல்லவே!
பிறகு ஏன் இவையெல்லாம்?
🌸பைத்தியக்காரன் மிக மெதுவாகக் கூறினான்:
"நான் இப்படி இருப்பதால்தான்...
ஒருவர் யாத்திரைக்குச் செல்லும்போது...
அவருடைய அழகான பெண்ணை...
என் பொறுப்பில்
விட்டுச் செல்வதில்லை...
அதற்கு இது ஒரு உபாயம்!"
என்று கூறிச் சிரித்தான்.
🌸நீயும் இடையூறுகளைத் தவிர்க்க...
இது போன்ற உபாயங்களை பயன்படுத்திக்கொள்.
🌿ஓஷோ🌿
☘ஓஷோவின் ஞானக்கதைகள்
Comments
Post a Comment