எந்தக் காரணமுமின்றி மகிழ்ச்சிதரும் அன்பு
கேள்வி: பிரிய ஓஷோ!
நான் உங்கள் அருகாமையில்,
ஆழ்ந்த அன்பை உணருகிறேன்...
உங்கள் அருகாமையில் இல்லாதபோது,
அதே போல நடக்கவில்லை என்பதையும்,
நான் இப்போது உணருகிறேன்.
குருவுக்கும் - சீடனுக்குமான
சிறந்த அனுபவங்களில்,
காலமும் நேரமும் எந்த வேறுபாடும்
செய்ய முடியாது என்பது,
இப்போதும் உண்மையா?
ஓஷோ:
🌸 தேவ சூர்யா !
காலமும் நேரமும்
சீடனுக்கும், குருவுக்கும் இடையே உள்ள
மிக உயர்ந்த அன்பு விஷயத்தில்...
எந்த வேறுபாடும் செய்ய முடியாது
என்பது எப்போதும் உண்மை.
🌸 சில சமயங்களில்,
உண்மையல்ல என்பது கிடையாது.
"அது என்றும் மாறாத தன்மை வாய்ந்தது."
🌸 ஆனால் நிஜ அனுபவத்தில்,
முக்கியமாக ஆரம்பத்தில்,
சீடனின் அன்பு, அவ்வளவு தூய்மையாக இருப்பதில்லை...
அதற்கு எதிர்பார்ப்புகள் இருக்கின்றன.
🌸 அது இன்னும் ஆசையற்றதாக ஆகவில்லை.
சீடனின் அன்பு
பல்வேறு விஷயங்களில் மாசுபட்டு உள்ளது.
🌸 இந்த ஆசைகள், எதிர்பார்ப்புகள் போன்ற மாசுகளால் கால, நேர வார்த்தமானங்கள் வேறுபாடு காண்பிப்பதாகத் தோற்றம் அளிக்கலாம்...
அன்பைப் பொறுத்தவரை, அவை எந்த வித்தியாசமும் காண்பிப்பதே இல்லை...
🌸 ஆனால் உன் அன்பு வெறும் அன்பு மட்டுமல்ல.
அதில், பல்வேறு விஷயங்கள்
சிக்கிக் கொண்டுள்ளன.
"முக்தி நிலைக்கான எதிர்பார்ப்பு கூட,
அதன் தூய்மையை அழிக்கப் போதுமானது ஆகும்."
🌸 அடிப்படை எதுவென்றால்...
தூய்மையான அன்பு --
"அது எந்தக் காரணமுமின்றி
மகிழ்ச்சிதரும் அன்பு."
"இதயத்தில் நுழைந்து,
குருவின் ஆனந்த நடனத்தில்
ஏற்கனவே சேர்ந்துவிட்ட அன்பு" --
பிறகு குரு உன்னை விட்டு
வெளியே தனியே இல்லை;
நீ அவரை உனக்குள் எடுத்துச் செல்கிறாய்.
🌸 நீ எங்கிருந்தாலும் அவரும் இருப்பார்.
அதனால்தான் கால நேரங்கள்,
எந்த வேறுபாடும் காண்பிப்பது இல்லை.
🌸 "ஆனால்,
அன்புக்கான (object) ஆதாரப் பொருளாய்...
குருநாதர் இன்னும்
உனக்கு வெளியே இருந்தால்,
அப்புறம் நிச்சயமாய் காலவெளி வித்தியாசத்தைக் காண்பிக்கும்."
🌸 இவை சீடன் அன்பின் தூய்மையின்மையால் வரும் வித்தியாசங்கள்.
இந்தத் தூய்மையின்மை
ஆரம்பகாலத்தில் தவிர்க்க முடியாது.
ஏனெனில், முக்தி நிலைக்காக நீ ஆசைப்படுவதை...
தூய்மையின்மையாய் கருத முடியாது.
உண்மையில்,
குருவுக்கும் -- சீடனுக்குமான
ஆழ்ந்த அன்பு அனுபவம் ஏற்படுவதே...
"இந்த முக்தி நிலைக்கான ஏக்கத்தின் காரணமாகத்தான்."
🌿ஓஷோ🌿
Comments
Post a Comment